Í töluverðan tíma eða í 1-2 ár hef ég gælt við þá hugmynd að setja myndir frá mér inn á Flickr. Nú loksins er ég búinn að því og er árangurinn her: http://www.flickr.com/photos/villi_kristjans/
Ég vil biðja ykkur endilega að fara þarna inn, skoða myndirnar og kommenta. Og ef þið eruð sjálf á Flickr, endilega addið mér sem vin.

jæja , eftir að hafa barist við Ingó í ár var ákveðið að athuga hvernig honum myndi líða á minna heimili með minni umferð og skarkala.  Hann fór til eldri hjóna og lifir það í dag eins og blóm í eggi , eða ofdekraður hundur, hvort heldur sem fólk vill hafa .  Hann sem sagt var alls ekki þessi skemmtilegi heimilishundur sem hann átti að vera og hreinlega var stórgallaður ef maður lítur þannig á málið.  En núna líður honum vel og geltir ekki allan sólarhringinn.
Emil saknaði hans alveg svakalega , við hugsuðum málið en ákávðum að fá okkur ekki aftur hvolp.
En í staðinn skráðum við okkur sem fósturfjölskyldu hjá Dýrahjálp og tökum að okkur hunda í styttri eða lengri tíma, og skilum þeim svo aftur. Sniðugt og hentar okkur vel. Við settum það sem skilmála að við tækjum ekki hvolpa og það var varla búið að ýta á Enter þegar við vorum beðin fyrir Tobba . Tobbi er blanda af 4 tegundum, Labba, Border Collie, Enskkur Springer og írskum setter, ofsalega ljúfur og góður strákur. Hann kom í aðlögun og kom svo til okkar 29 des því eigendurnir áttu flug 4 jan. Hann verður hjá okkur um svolítið óákveðinn tíma, allt frá því fram á vor og til tveggja ára. Hann aðlagast heimilinu vel og er aðeins farinn að leika við Emil , með Emils skilmálum , þeir voru samt alveg saman í því að rústa jólatrénu, þeir þurftu ekki aðstoð við það.  Memory var sú sem maður var hræddastur við að færi í baklás en hún er bara róleg yfir þessu, lætur mann vita ef hann er eitthvað að vilja sniffa af henni þegar hún er að labba um gólfið , þá er bara að kalla á Tobba og hann kemur og hún heldur áfram. þið verðið nú að fá mynd af prinsinum er það ekki ??? 

Við fórum inná hundasvæði að leika í þessari gulu skímu sem kom rétt eftir hádegi , það fannst honum sko gaman. Það koma svo örugglega nokkrar færslur í viðbót um nýja meðliminn í Arnarheiðinni.

Nú eru bráðum 22 ár síðan greiningarskilmerki fyrir vefjagigt voru gefin út af amerísku gigtlæknasamtökunum (ACR) og þann 1. janúar 2013 verða 20 ár síðan vefjagigt var formlega skilgreind sem heilkenni af Alþjóðaheilbrigðismálastofnuninni (the World Health Organisation, WHO). Þar með var vefjagigt orðin opinbert heilkenni með alþjóðlegum sjúkdómakóða (ICD code), M79.0.

En hvar er vefjagigtin stödd árið 2012?

Á þessum tæpum 20 árum hefur þekkingu á vefjagigt, sjúkdómsmynd hennar og hugsanlegum orsakaþáttum og meðferðarúrræðum fleygt mikið fram og stöðugt bætist í þekkingarbrunninn, en þó er enn langt í land bæði varðandi þekkingu á orsakameingerð sjúkdómsins og ekki síður varðandi almenna þekkingu bæði meðal leikra og lærða. Enn mætir fólk með vefjagigt miklum fordómum svo miklum að margir kjósa að segja ekki frá, að vera inni í skápnum eins og sumir hafa á orði.

Í marga áratugi fékk fólk með vefjagigt á sig hinar ýmsu sjúkdómsgreiningar og nýjar sjúkdómsgreiningar komu í tísku og aðrar duttu út og á sumum tímabilum voru til mörg heiti yfir þetta heilkenni. Og viti menn nú er ekki lengur í tísku í sumum löndum að kalla vefjagigt, vefjagigt, heldur eitthvað allt annað t.d. verkjaheilkenni eða bara langvinna verki og meðhöndla sjúkdóminn sem slíkan. En birtingarmynd vefjagigtar byggist ekki bara á langvinnum verkjum, sjúkdómsmyndin er mun flóknari en það. Það er því ekki vænlegt til árangurs í meðferð ef ofuráhersla er bara lögð á að meðhöndla eitt einkenni sjúkdómsins og öll hin skilin eftir.

En hverskonar sjúkdómur er þá vefjagigt?

Vefjagigt er fyrst og fremst sjúkdómur í taugakerfinu án vefrænna skemmda þ.e. starfræn truflun er í starfsemi taugakerfisins og ein truflunin sem þekkt er er að flutningur taugaboða er ekki eðlilegur. Miðlæg verkjanæming er hluti af sjúkdómsmyndinni en hún stafar m.a. af því að ýmis taugaboð frá úttaugakerfinu eru mögnuð upp, ekki er eðlileg hömlun á að þau komist upp til heilans. Heilinn fær því stöðugt boð sem að mænan hefði í raun átt að sía út. Þetta veldur því að verkjaboð verða meiri en efni standa til, að kuldaboð, hitaboð, boð frá öðrum skynfærum eins og augum, eyrum, nefi, bragðlaukum verða brengluð. Jafnframt er truflunum í tauga-hormónakerfi (e. neuro-hormonal system) líkamans sem veldur ýmsum einkennum. Já, vefjagigt er ekki bara verkjasjúkdómur, vöðvabólga, festumeinagigt eða þunglyndi, hún er allt þetta og miklu meira til.

Þið sem heilbrigð eruð setið ykkur augnablik í spor vefjagigtarfólks og dæmið svo hvort að um hugsýki sé að ræða.
Setið ykkur í þau spor að hvern morgun þarf að byrja á því:
Að komast vart á fætur fyrir þreytu,
Að að tekur langan tíma að koma sér í gang, liðka stirðan líkamann og fá hugsunina í gang.
Að vera alltaf með verki einhversstaðar og stundum með ólýsanlega verki hér og þar í líkamanum sem hafa vakið þig upp nokkrum sinnum yfir nóttina og jafnvel haldið fyrir þér vöku.
Að vera búinn með alla orkuna upp úr hádegi, að þurfa að leggja sig til að hafa daginn af.
Að vera stöðugt illt í maganum, flökurt, með niðurgang eða harðlífi.
Að vera pissandi í tíma og ótíma, að finna fyrir sársauka við þvaglát.
Að þola ekki hávaða, ekki mikla birtu, ekki lykt...
Höfuðverkur
Fótapirringur
Kjálka-/tann-/andlitsverkir
Kuldanæmi
Að muna ekkert, að hafa ekki einbeitingu til að lesa eða fylgjast með bíómynd, að halda sig til hlés til að verða sér ekki til skammar því að erfitt er að fylgjast með samræðum, að taka þátt, að muna um hvað verið er að fjalla um.
Að vera dapur og stundum þunglyndur, kvíðinn.vanlíðan, slappleiki..að muna ekki hvenær maður var vel upplagður síðast, það er svo langt síðan.

Úff, þetta hljómar ekki vel og sem betur fer eru ekki allir með vefjagigt með öll þessi einkenni og góðu fréttirnar eru að það er til hjálp en ekki lækning.

Einhversstaðar hef ég heyrt því fleygt að það taki um 20 ár fyrir þekkingu í heilbrigðisvísindum að ná fótfestu og verða að almennri þekkingu. Vonandi fer að hylla í að þekking á vefjagigt verði almenn og fólk með þennan erfiða lífsförunaut mæti skilningi og fái meðferð við hæfi byggða á þekktum vísindalegri þekkingu.